-Almmuhus-
-Almmuhus-
OĐĐASAT Positiiva stáhtabušehttii

Positiiva stáhtabušehttii

-

-

Stáhtabušeahtas ii juolluduvvon vuos ruhta ođđa vistái, muhto teáhterhoavda lea aŋkke positiiva.

Stáhtábušeavttas, mii odne almmuhuvvui, ii juolluduvvon ruhta ođđa vistái Beaivváš Sámi nationálateáhterii ja Sámi joatkkaskuvlii ja boazodoalloskuvlii. Ráđđehus buktá ovdan dán ášši árvvoštallama Jagi 2020 Reviderejuvvon nationálabušeahta oktavuođas.

Teáhterhoavda ii loga vuordán ge ahte dán stáhtabušeahtas galggai juolluduvvot ruhta ođđa vistái. 

– In lean vuordán ge ahte dál juolluduvvo ruhta, go mii leat áin čielggadanbargguin bargame, dadjá Beaivváš Sámi nationálateáhtera hoavda Rolf Degerlund. 

Čielggadeapmi, mainna Statsbygg lea bargame,  galgá ovdanbuktojuvvot loahpas dán jagi.

Positiiva 

Degerlund dadjá ahte son lea duhtavaš čállosiin mii dál lei stáhtabušeahtas. 

– Mun lean hui positiiva dasa mii dál lei čállon stáhtabušeahtas. Mis lea jáhkku dasa ahte Reviderejuvvon nationálabušeahta oktavuođas juolluduvvo  ruhta, mii dahká ahte mii sáhttit stuora lávkki ovddosguvlui váldit. Mii fertet čuovvut dan ovdánanbarggu mainna leat álgán, vai ođđa visti šaddá duohtan midjiide. Mii eat sáhte vuordit šat nu guhká. Teáhter ii boađe šat gávdnot jus mii eat oaččo albma bargosajiid fargga, dadjá Degerlund. 

Degerlund lohká sus lea doaivva dasa ahte sii besset joatkit bargguin ja plánain mii lea bidjon ođđa vistti huksema oktavuođas.

– Mus lea doaivva ahte boahtte lávkkis juolluduvvo dan mađe ruhta prošektii ahte mii moatti jagi geahčen sáhttit lávket ođđa vistái, loahpaha Degerlund.

Sámi joatkkaskuvla ja boazodoalloskuvla dárbbaša ođđa visttiid. Ráđđehus mearridii jagi 2018 atnit vuođđun ahte Sámi joatkkaskuvlla ja boazodoalloskuvla ja Sámi Našunálateáhter Beaivváš galget seamma visttiide go pláne viidáseappot daidda ásahusaide ođđa visttiid. Statsbygg lea Kulturdepartemeantta ja Máhttodepartemeantta gohččuma mielde álggahan čielggadit molssaeavttu bidjat skuvlla ja teáhtera seamma visttiide. Čielggadanáigi galgá áigumuša mielde gárvánit jagi 2019 maŋit jahkebeali mielde. Ráđđehus buktá ovdan ášši árvvoštallama Jagi 2020 Reviderejuvvon nationálabušeahta oktavuođas. Sámi joatkkaskuvla ja boazodoalloskuvla dárbbaša ođđa visttiid. Ráđđehus mearridii jagi 2018 atnit vuođđun ahte Sámi joatkkaskuvlla ja boazodoalloskuvla ja Sámi Našunálateáhter Beaivváš galget seamma visttiide go pláne viidáseappot daidda ásahusaide ođđa visttiid. Statsbygg lea Kulturdepartemeantta ja Máhttodepartemeantta gohččuma mielde álggahan čielggadit molssaeavttu bidjat skuvlla ja teáhtera seamma visttiide. Čielggadanáigi galgá áigumuša mielde gárvánit jagi 2019 maŋit jahkebeali mielde. Ráđđehus buktá ovdan ášši árvvoštallama Jagi 2020 Reviderejuvvon nationálabušeahta oktavuođas.

-Almmuhus-