Lávvordaga lei porsáŋgulaččas buorre ágga ávvudit, go 7,6 miljovnna fargga coahkehit báŋkokontui.
Lávvordaga lei porsáŋgulaččas buorre ágga ávvudit, go 7,6 miljovnna fargga coahkehit báŋkokontui.
Dievdu fertii čohkkedastit go gulai ođđasa.
– Olmmoš gal sávvá dat galgá dáhpáhuvvat, vuoi máilbmi! Lean hirpmahuvvan, lohká son ja reašká.
Vuoitoruđain áigu mátkái vuolgit.
– Šaddet soames tuvrrat. Ferten veaháš jurdilit masa muđui geavahan vuoitoruđaid, lohká son.
Finnmárkulaš osttii vuoitokupoŋŋa neahta bokte.
Áigu vuodjit Route 66
Lávvordaga ledje guokte lotto-vuoiti. Muhtun dievdu Stientjies, Trøndelágas maid vuittii seamma mađe.
– Dál nu hirpmahuvven ahte jáhkán golgodávda guđii rupmaša, lohká dievdu.
– Dál gal ruvssodin vel, in ge šat dieđe movt galggan. Liikon mátkkoštit, ja dál galge Amerihkkái vuodjit Route 66, lohká dievdu.
Maiddái son osttii vuoitokuponga neahtas.
Milljoneara geas eai lean čieža rievttes logu
Ođđajagemánu 20. beaivvi vuorbádeamis maid gessui muhtun vuoiti. Sus eai lean dat čieža rievttes logu mat galge, muhto vuorbáduvvui buohkaid gaskkas geat ledje sádden kupoŋŋa.
Dievdu Fredrikstádas, Lulli-Norggas vuittii miljovnna.
