Finnmárkku 4. divišuvnna spábbačiekčan lea loahpahuvvon ja Porsáŋgu šattai goalmmádin ráidočiekčamis.
Porsáŋgu doarui guhká njunnošis Finnmárkku 4. divišuvnnas, muhto ráidočiekčama njealji maŋemus čiekčamis sii eai ožžon go njeallje čuoggá, ja nu sii bázahalle Fállejogas ja jovssahalle vel Hif/Steinii ge.
Maŋemus čiekčanvuorus Porsáŋgu deaivvadii Honnesvágiin Honnesvágis, ja boađus šattai 3-3.
Honnesváhki lei ovddabealde 2-0 boddui, muhto Porsáŋggu Per Arne Østgård, Sindre Thomassen Vonheim ja Viktor Hansen báhče moalaid ja loahppaboađus šattai 3-3.
Porsáŋgu bođii goalmmádin ráidočiekčamis 49 čuoggáin, ovcci čuoggá Fállejoga maŋábealde gii vuittii ráidočiekčama. Honnesváhki ges šattai ovccádin 18 čuoggáin.
