Nu go olu eará báikkiin ja gávpogiin, de lágiduvvo maiddái Porsáŋggus sámi vahkku.
Porsáŋggus álggii sámi vahkku ođđajagimánu 31. beaivvi ja bistá gitta guovvamánu 6. beaivvi rádjai.
Vuossárggas duorastahkii dii. 10-13 bovdejuvvojit mánát ja nuorat duodjebádjái Porsáŋggu giella- ja kulturguovddážii. Sii besset duddjot nálloguottá, čoavddarieggá dahje láđđeveaskku.
Vuossárggas bearjadahkii bovde Porsáŋggu musea lohkanboddui. Mánáidgárdemánáide ja skuvlamánáide lohket «Máret Iŋggáin duoddaris» girjji. Lohkanbottut lágiduvvojit dii. 10, 11, 13 ja 14, ja dát bistá birrasii 45 minuhta.
Gaskavahku lea giellaeahket dii 17-19, gosa earret eará boahtá Åsá Márgget Anti juoigat.
Bearjadaga dii. 10-14 lea giellaguovddážis rabasbeaivi ja dalle guossohit káfe ja gáhku.
Sámi álbmotbeaivvi almmuhuvvo sámediggepresideanta beaivesárdni digitálalaččat. Muđui lea Ipmilbálvalus sihke Leavnnja ja Billávuona girkus. Fjordutsikten guossoha báistebiđđosa, vuššon bierggu, njuokčamiid, biđđosa ja báldá. Bajáluššan ges lea luomefromáša. Deike ferte diŋgot saji.
Eanet dieđut gávdnojit Porsáŋggu giella- ja kulturguovddáža Facebook-siiddus.
