PORSÁŊGU: Porsáŋgu deaivvadii Girkonjárgga joavkkuin Guovžajávrriin NM-cup gilvvu maŋemus rátkkačiekčamis.
Porsáŋgu časkkii Guovžajávrri 3-1 ruovttušiljus ja leat nu beassan mielde cup-čiekčamii. Guovžajávrri čiekči Fred Lassander bážii vuosttaš moala ovdal go Porsáŋgu jorgalii čiekčama.
Sindre Vonheim (2) ja Stian Mathisen leigga Porsáŋggu moallabáhččit.
Áltá, Porsáŋgu ja Čáhcesullo joavku Norild leat Finnmárkku joavkkut mat leat dán jagi mielde doarrume gonagasgári ja Norggameasttir-namahusa badjel.
