-Almmuhus-
-Almmuhus-
OĐĐASATPorsáŋggu sátnejođiheaddji mielas bieggamilluide

Porsáŋggu sátnejođiheaddji mielas bieggamilluide

-

-

Sámediggi háliida rievdadit nationála rámmaid bieggamilluide nu ahte boazodoalloguovllut suddjejuvvojit dain guovlluin maid NVE, Norgga čázádat- ja energiijadirektoráhta, oaivvilda buoremusat heivet bieggamilluide, čállá Klassekampen. 

Guovllus Davvi-Norggas gosa NVE dieđuid mielde livččii buoremus cegget bieggamilluid, leat boazodoalus beroštumit. Dál vurdo riidu gaskkal Sámedikki ja báikki politihkkáriid, čállá NTB. 

 


Sámediggeráđđi Silje Karine Muotka. Govven: Åse Pulk/Sámediggi

– Mii leat positiivvat nationála rámmii jus dat doaibmá ráfáidahttinmearrádussan guovlluin gos leat sámi beroštumit. Dán rádjai lea bieggamillohuksen leamaš regulerenkeahttá dehálaš guovlluin gos bohccot guhtot, dadjá NSR, Norgga Sámiid Riikkasearvvi, sámediggeráđđi Silje Karine Muotka. 

 

 

Porsáŋgu mielas 

Áidna guovllus oarje-Finnmárkkus, mii heivešii buoremusat bieggamilluide,  leat ovcci boazodoalloguovllu, čállá NTB. 


Porsáŋggu sátnejođiheaddji Aina Borch. Vuorkágovva: Inga Guttorm

– Mun lean oadjebas dasa ahte lea maiddái sadji bieggamilluide gielddas, dadjá Borch. 

Porsáŋggu gielddas, mii lea Oarje-Finnmárkkus, sávvá sátnejođiheaddji Aina Borch, gii ovddasta Bargiidbellodaga, bieggamilluid ásahit.

Son čujuha dasa go gielda rahčá ekonomalaččat, ássiidlohku njiedjá ja Suodjalusa doaibma unnu čállá NTB. 

 

-Almmuhus-