-Almmuhus-
-Almmuhus-
-Almmuhus-
OĐĐASATPorsáŋggu gielda ballá váikkuhusain

Porsáŋggu gielda ballá váikkuhusain

-

-

Porsáŋggu gielddastivra vuorjašuvvá ráđđehusa doaibmabijuid dihte go áigot gáržžidit dorvopolitihka.

Porsáŋggu gielda lea ožžon dieđu ahte Olgoriikadepartemeanta áigu sihkkut buriid doaimmaid dorvoguovddážiin.

Jus dát šaddá duohtan, de sáhttá leat váikkuhussan dorvoohcciid dearvvašvuhtii, mii fas váikkuha gieldda ássiid fálaldagaide ja erenomážit dearvvašvuođafálaldagaide, čállá gielda preassadieđáhusas.

 

Ii leat dohkálaš ahte ráđđehus duvdá ovddasvástádusa suohkaniidda. Porsáŋggu gielddastivra vuordá ráđđehusa heivehit nu ahte dorvoguovddážiin galgá leat ovddasvástádus fállat buriid doaimmaid dorvoguovddážiin. Jus eai dohkket dien gáibádusa, de áigu Porsáŋggu gielda ohcat beassat eret suohkanlaš ovddasvástádusas dan guovtti dorvoguovddážis mat leat gielddas.

 

Porsáŋggu gielddastivra diehtá maid ahte Syria dorvoohccit šaddet vuordit oažžumis dorvoohcama meannuduvvot, danne go lea duođavuogi mielde riekti beassat orrut dáppe. Lea heittot jus Syria dorvoohccit gevvet guhkit áiggi vuordit dorvoguovddážiin, go sis lea riekti oažžut dorvvu.

Porsáŋggu gielda oaivvilda eanet olmmošlažžan dohkkehit Syria dorvoohcciid gaskaboddosaš áigái guovtti jahkái, dan botta go vurdet sin ohcamuša meannuduvvot. Dáinna lágiin sáhttet sii ásaiduvvot muhtin suohkanii ja jođánit beassat bargoeallimii, čállá gielda preassadieđáhusas.

-Almmuhus-