Okta massii vuodjinkoartta ja máŋggas váidojit politiijaide, politiijat leat maid máŋgasa vuojihan ruoktot mannan ija, dán dieđiha Finnmárkku politiijaguovlu Twitteris.
Okta massii vuodjinkoartta ja máŋggas váidojit politiijaide, politiijat leat maid máŋgasa vuojihan ruoktot mannan ija, dán dieđiha Finnmárkku politiijaguovlu Twitteris.
Ikte eahkedis bissehuvvui muhtin nisu 60-jagiin Deanušaldis, son várohuvvui leat vuodjimin juhkanvuođas. Nissonis ii lean vuodjinkoarta, dat lei duoguštuvvon jo ovdalaččas. Biillas ledje maiddái geassejuvllat alde. Nisu dolvojuvvui varraiskosiidda ja luitojuvvui luovus maŋŋá go ledje sihkkarastán buot duođaštusat.
Hámmárfeasta
Mannan ija fidne politiijat guovlladeamen olgobáikkiid Hámmárfeasttas, sii dieđihedje ahte buot lei doppe ortnegis.
Bealgolmmas ihkku fertejedje Hámmárfeasta politiijat doalvut muhtin juhkannissona 50-jagiin ruoktot go nisu ii goastan šat ieš vázzit.
Hámmárfeasttas maid šattai muhtin biilavuoddji addit politiijaide vuodjinkoartta muhtin áigái. Sivva dasa lea go biillas heaŋgái muhtin glássaráigge olggos vuojedettiin. Politiijat ceggejit ášši biilavuoddjái.
Iđitija ožžo politiijat dieđu ahte máŋggas ledje doarrumin rådhusplassenis Hámmárfeasttas. Politiijat sáddejedje doarruid ruoktot ja váidet ášši.
Áltá
Thon hoteallas Álttás njurgugođii buollinalárbma mannan ija. Buollinčáskadeaddjit ja politiijat manne báikái iskat buollima, muhto eai gávdnan gostige gos lei buollimin. Jáhkkimis lei teknihkalaš boasttuvuohta.
Politiijat fidne maiddái bealgolmmas ihkku muhtin olgobáikkis Álttás gos dieđihuvvui ahte muhtin almmái 40-jagiin lei huškkastuvvon glásain. Almmái dolvojuvvui doaktárdikšui ja politiijat ceggejit dás ášši.
Kirkonjárga
Politiijat Kirkonjárggas ožžo máŋgasis dieđu beal golmma áigge ihkku, ahte muhtin juhkanolmmoš lea vázzimin guovdu geainnu E6 geainnus, olggos gávpotguovddážis. Politiijat manne báikái ja dolvo juhkanolbmo ruoktot.
Beal viđas iđitija gohččojuvvo politiijat muhtin festii gos ollu nuorat ledje čoahkkanan. Feasttas lea leamaš doarrun ja okta sis lei huškkastuvvon njunnái. Son dolvojuvvui doavtterdikšui. Várohuvvo leat doadján njuni. Politiijat ceggejit dás ášši.
Honnesváhki
Honnesvági politiijat guovlladedje mannan ija olgobáikkiin Honnesvágis, juohke sajis lei olbmuin buorre mokta ja suohtas.
