Galgá vuodján eará biillaid njeaiga ovdal go lea guođđán Álttá.
Mánnodateahket, dii. 21:33, dieđihit Finnmárkku politiijat Twitteris ahte Álttá gávpotguovddážis lea suoláduvvon biila. Politiijat ledje vuolgán maŋŋái.
Biila dieđihuvvui suoláduvvon ovdalaš go politiijat vulge maŋŋái, muhto jorggihedje. Suoláduvvon biila galgá vuodján guokte bisánan biilla njeaiga ovdal go lea guođđán Álttá.
Ii oktage leat roasmmehuvvan.
Ain ohcet
Politiijat leat dál almmuhan makkár biilla sii ohcet. Fiskes Volvo s60 mas šiltanummár KT 60 225. Politiijat dáhttot olbmuid geat dihtet maide áššis váldit oktavuođa.
