-Almmuhus-
OĐĐASATPolitiijat hástet cavgilit lobihis vuodjima

Politiijat hástet cavgilit lobihis vuodjima

-

-

Lobihis vuodjin čáhceskohteriin sáhttá šaddat divrrasin.

Čáhceskohter dásáiduvai fatnasiin 18. beaivve miessemánu. Dat lea dagahan ahte gielddat barget garrasit reguleret čáhceskohtervuodjima máŋgga guovlluin, garvin dihte lihkohisvuođaid.

Njuolggadusčállosa mielde ii leat lohpi vuodjit fatnasiin ja čáhceskohteriin gáhttenguovlluin, ja čuožžu ahte galgá doalahit leahttu vihtta knohpain. 
 

Politiijat hástet gehččiid cavgilit

– Jus oainnát olbmuid girddiheamen čáhceskohteriin, dahje eará fatnasiin, de lea dehálaš ahte govvet dahje filbmet. Dainna lágiin beasat dokumenteret gii ja movt olmmoš vuodjá, muitala politiijabearráigeahčči Ole Bjørn Sakrisvold. 

Politiijain eai leat doarvái fatnasat geasset, dan dihtii eai sáhte leat juohke sajis.

Cavgilemiin ožžot sii diehtit man olu trafihkka lea ovtta báikkis, ja dan vuođul besset vuoruhit ášši. 

– Ii leat dárbu govvaduođaštus jus áigu váidit ovttage, muhto jus nagoda dokumenteret gii vuodjá ja movt sii rihkkot lága, de veahkeha dat hui ollu.  Konkrehta ovdamearkkat, áinnas govvaduođaštusat, sáhttá leat veahkkin midjiide.

-Almmuhus-