Politiijat válde olusiid leakturihkkumis ja gárrenvuodjimis 2019:s. – Mii leat buoridan vuoruhusaid, dadjá UP-hoavda Steven Hasseldal.
– Leaktu ja gárrendilli leat guokte deháleamos siva duođalaš johtolatlihkohisvuođaide. Danin leat válljen lasihit daid dárkkástemiid, ja ahte mii váldit eambbosiid lea njuolga konsekveansa dáin vuoruhusain, dadjá Steven Hasseldal NTB:i. Logut čájehit ahte Geaidnopolitiijat dárkkistedje 635 677 vuoddji Norgga geainnuin. Dat dagahii ahte 97 183 vuoddji váldojuvvojedje leaktorihkkumis ja 3212 vuoddji váldojuvvojedje gárrendilis vuodjimin.
