Disdateahkeda áššáiduhttui dievdu Mieronis eret lobiheamet lodden. Politiijat duođaštit dál ahte vel nubbi olmmái lea leamašan dutkamis.
Disdateahkeda áššáiduhttui dievdu Mieronis eret lobiheamet lodden. Politiijat duođaštit dál ahte vel nubbi olmmái lea leamašan dutkamis.
Gaskavahku lea vel nubbi olmmái leamašan politiijaid hálddus, gažadeamis, Mierona loddenáššis, dan duođaštit politiijat dál. Ovdal lea juo 50-jahkásaš Nils Henrik Siri, Mieronis eret, áššáiduhtton dan lobihisloddenáššis, Siri ieš muitalii dán birra Guovdageainnu Lagasrádios gaskavahku eahkeda. Siri ieš biehttala leamaš loddeme, ja čuoččuha su vigiheamet áššáiduhttán.
Ii áššáiduhtton
Boazopolitiijahoavda Per Valved duođašta ahte lea leamašan vel nubbi olmmái gažadeamis politiijaid luhtte.
– Mii leat dutkan su dán seamma áššis, muhto son ii leat áššáiduhtton. Muđui ii leat vuos rievdan mihkkege nu olu dán áššis. Mii leat ain dutkame, ja sihkkarastime duođaštusaid, muitala son.
Valved vuordá váttis dutkama ain ovddos guvlui áššis, ii ge sáhte dadjat vuos man guhká ádjánit dutkat.
Ihttá báberáviissas beasat lohkat maid mo diimmá lobihisloddenáššit ovdánit.
