-Almmuhus-
-Almmuhus-
-Almmuhus-
SMÁVVAOĐĐASATPolitiijat dutka­goahtán iežaset bargiid

Politiijat dutka­goahtán iežaset bargiid

-

-

Badjelaš 10 politiijabargi Hámmerfeasttas galget leat čoahkkanan olgobáikái miessemánu 12. beaivvi. 

Poltiijabargit Hámmerfeasttas dutkojuvvojit dan dihte go sáhttet leat rihkkon koronalágaid dáhpáhusas gos galget galledan ovtta olgobáikki Hámmerfeasttas vahkku ovdal leavvama. 

– Dan maid sáhtán lohkat lea ahte miessemánu 12. beaivvi galget máŋga politiijabargi, badjelaš logi olbmo, mannan Fresh nammasaš olgobáikái Hámmerfeasttas, lohká várrepolitiijameašttir Finnmárkku politiijaguovllus, Tor Erik Nilsen NRK:i. 

Hámmerfeasttas lea korona leavvan hirbmosit, ja dál lea 222 olbmuin duođaštuvvon njoammun. 2 700 olbmo leat erremis. 

Olgobáikkis galget leamaš riegádanbeaidoalut guoktásis, ja doaluide oktavuođas ledje politiijabargit maid čoahkkanan. 

Dien áiggis čuovui Hámmerfeasta suohkan nationála koronanjuolggadusaid mat celke ahte ii lean lohpi čoahkkanit eambbosiid go logi olbmo priváhta doaluide olggobealde iežaset ruovttu. 

– Nu movt mun lean ipmirdan, de lei dát olgobáiki rabas gussiide geat gávppašedje maid. Doppe ledje maid earát geat eai lean politiijabargit, lohká Nilsen NRK:i. 

– Mii jáhkkit ahte dutkamiin sáhttit čielggadit ledje go dát priváhtadoalut, ja maiddái oaidnit leago dá rihkusášši covid-19-láhkanjuolggadusaid ektui.

©NTB

-Almmuhus-