-Almmuhus-
-Almmuhus-
-Almmuhus-
OĐĐASATPolitiijat duođaštit ahte leat gávdnan Dmytro (29)

Politiijat duođaštit ahte leat gávdnan Dmytro (29)

-

-

Dál duođaštit politiijat ahte jápmán olbmo maid ikte gávdne Suolojávrris lea 29-jáhkkasaš Dmytro Savchuk gii lea leamaš láhppon mannan vahkku rájes.

Ikte gávdnui jámet dan jávrris gos politiijat leat ohcan ukrainalačča Dmytro Savchuk, ja dál duođaštuvvo ahte dat lea son gii lea gávdnon.

– Mun sáhtán duođaštit ahte dat lea dat olmmoš gávdnon gean mii leat ohcan mannan disdaga rájes, lohká doaimmalaš dutkanjođiheaddji Álttá leansmánnikántuvrras, Kenneth Nilsen Ávvirii.

 

Romsii obdukšuvdnii.

— Viidásit dán áššis dáhpáhuvvo ahte jámet lea sáddejuvvon Romsii obdukšuvdnii, gos galgat gávnnahit olggos mii lea dahpahuvvan, lohká Nilsen.

 

Loga maid: Jotket ohcamin: – Dmytro ii leat vel gávdnon

 

Politiijat heaittihedje ohcama mannan lávvordaga, ja dan rájes leat oapmahaččat ohcan dievddu jávrris.

— Dat lei okta olmmái oapmahačča bearrašis gii gávnnai jámeha jávrris. Dat lei veahá eará sajis gos politiijat leat ohcan olbmo, muhto lahkosis doppe gos fanas gávdnui, muitala Nilsen.

 

Loga maid: Heaittihan ohcama

 

Ii leat vel čielggas mii lea dahpahuvvon 29-jáhkkasaččain.

— Dat sáhttá leat nu ollu mii lea leamaš sivva manne 29-jáhkkasaš lea jápmán. Muhto mun lean ilus go lea gávdnon. Dál mii vuordit bohtosa obdukšuvnnas, ovdal čoahkkáigeassit ášši, čilge Nilsen.

 

Politiijat galget odne ságastallat Dmytro oapmahaččaiguin.

— Mii galgat áimmahuššat oapmahaččaid, mis galgá singuin leat sagastallan odne. Politiija oapmahaččaidgulahallan olmmoš galgá muitalit mii galgá dahpahuvvat viidásit, lohká Nilsen.

 

 

-Almmuhus-