Politiija duoguštii muhtin biilavuoddjis vuodjinkoartta go gávnnahalai vuodjimin 128 km/t Riehpovuonleagis Fálesnuori gielddas.
Finnmárkku politiija dieđiha Twitter neahttabáikki bokte, ahte sii dárkkistedje johtolatleavttu Riehpovuonleagis ievttá, mannan vuossárgga eahkeda.
Muhtin biillavuoddji gii šuvihii sin meattá, vujii 128 km/t guovllus gos ii leat lohpi vuodjit johtilabbot go 80 km/t. Biilavuoddji manahii vuodjinkoartta politiijai.
Forsøl báikkis Hámmárfeastta gielddas gálggai politiija guovtti persovnnabiillas šilttaid.
Ii goabbáge biila lei finahuvvon dárkkisteamis nu mo galgá.
Kirkonjárggas Mátta-Várjjaga gielddas lea politiija ikte, vuossárgga, fitnan hálešteamen guvttiin juhkan olbmuin geat vácciiga E6 geaidno ravddas vuosttašjávrri bokte. Politiija gohččui sudno čuovvut vázzin- ja sihkkelbálgá das E6 bálddas.
Álttá gielddas galggai politiija ikte, vuossárgga eahkeda, ovtta mopedas šilttaid go ii lean finahuvvon dárkkisteamis nu mo galgá.
Álttás dárkkistii politiija promilla biilavuddjiin E6 alde, Elvebakken báikkis. Ii ovttasge dan 23 biilavuoddjis lean promilla.
Hámmárfeasttas dárkkistii politiija 53 biilavuoddjis promilla. Ii ovttasge dán 53 biilavuoddjin lean promilla.
