Oarje-Finnmárkku politiijat fertejedje vuossárgga bivdit veahki SeaKing helikopteris, maŋŋel go ožžo dieđu veahkaválddálašvuođas.
Oarje-Finnmárkku politiijat fertejedje vuossárgga bivdit veahki SeaKing helikopteris, maŋŋel go ožžo dieđu veahkaválddálašvuođas.
Vuossárgga maŋŋá gaskabeaivvi fertejedje politiijat bivdit veahki SeaKing helikopteris vuoi besset Hasvikii, maŋŋel go ožžo dieđu ráfehisvuođas ja veahkaválddálašvuođas muhtin priváhta čujuhusas. Politiijat ožžo dili ráfodit.
Juhkan ja ráfeheapme
Diibmu 18.30 váldeges politiijat gitta muhtin albmá 20 jagiin muhtin priváhta ásodagas Honnesvágis. Almmái lei juhkan ja ráfeheapme. Son biddjui giddagassii.
Stohke mopedain
Vuossárgga eahkeda badjelaš diibmu beal ovcci, deaivvai Álttá politiija guokte mopedavuoddji, mas nubbi vujii boasttu bealde johtolatjorbadasa maŋŋejuvlla alde.
Váillahit eaiggáda
Ievttá iđida ohcalii politiija eaiggáda muhtin fatnasii, mii lei boahtán luovus. Fanas lea ránes Pioneer m/40 hk Honda 4-takt ja fuolahuvvui muhtin Vassbukt nammasaš báikki Sievjjus.
Dán dieđiha Oarje-Finnmárkku politiijaguovlu iežas twitter neahttasiiddus.
