Sihke Romssa ja Finnmárkku politiijain lea leamaš olu bargu mannan ija. Sii šadde bissehit olu priváhta feasttaid sihke Romssa ja Finnmárkku politiijaguovllus.
Finnmárkkus:
Sihke Álttás, Leavnnjas ja Čáhcesullos šadde politiijat bissehit priváhta feastadoaluid, go olbmot ledje váidán ahte feasttat ráfehutte ránnjáid.
Romssas:
Sihke Romssa sullos, Sálašvákkis, Sálliris, Hársttain, Finnsnesas dieđihit politiijat ahte leat leamaš feasttat mat leat ráfehuhttán ránnjáid.
Mortensnesas Romssas ledje vuolleahkásaččat feasttas go politiijat bohte.
Feasta Sálliris dieđihuvvuim maid politiijaide go feasta ráfehuhtii ránnjáid. Go politiijat bohte festii, de ledje eanet go 50 olbmo báikkis ja politiijat bissehedje de feastta.
