-Almmuhus-
OĐĐASATPolitiijat bissehan guokte dievddu geaid navdet suoládan odne

Politiijat bissehan guokte dievddu geaid navdet suoládan odne

-

-

Leavnnja politiijat leat bissehan ovtta biilla mas leat olgoriikašilttat ja guokte dievddu leaba biddjon giddagassii.

Mánnodaga dieđiha Oarje-Finnmárkku politiijaguovlu ahte sii leat bissehan ovtta Mercedes biilla mii lea Polenis registrerejuvvon, ja politiijat jáhkket dan guovtti olbmos biillas dahkamuša suoládemiin Álttás mánnodatiđit, čállá iFinnmark.

– Deháleamos dál lea ahte mii leat bissehan biilla ja ahte soai leaba dál giddagasas. Mii čuovvolit ja cegget ráŋggáštusášši, muitala operašuvdnajođiheaddji Sverre André Opdahl iFinnmarkii.

 

Politiijat leat gávdnan dávviriid biillas, muhto eai sáhte vel muitalit leat go dat seamma biergasat mat mánnodaga suoláduvvojedje Álttás.

-Almmuhus-