Lea Trond Arvid Olsen gean politiijat dál navdet leat duššan skohterlihkuhisvuođas Fálesnuoris.
Lea Trond Arvid Olsen gean politiijat dál navdet leat duššan skohterlihkuhisvuođas Fálesnuoris.
Politiijat leat almmuhan nama skohtervuoddjis gean navdet duššen lihkuhisvuođas Fálesnuoris. Politiijat jotket ohcat Trond Arvid Olsen, 56 jahkásaš, guhte dieđuhuvvui láhppon ođđajagimánu 19. beaivvi, maŋŋel go su skohter gávdnui mearas Porsa bokte Fálesnuoris.
Gádjunbargu lea loahpahuvvon, ja organiserejuvvo dál dego livčče ohcame duššan olbmo. Politiijat leat plánen ohcat mearragátti ja čáhcegierragis, sihke fatnasiin ja dronain. Mearragáddi lea ceakkus, rumššas ja jiekŋan, mii daga váttis gáttabealde ohcat, ja danne geavahit drona. Seammás geavahuvvo čázevuološfanas mas lea kamera ohcamis.
Iešguđet ohcamat čađahuvvot nu jođánit go veahka ja rusttegat leat sajis, vuordimis vahkoloahpas, dieđihit Finnmárkku politiijaguovlus, guovlluleansmánne Tommy Flåten bokte.
