-Almmuhus-
-Almmuhus-
OĐĐASAT Poli­tiijat akšu­neren suolle­mas gávppa­šeami dihte

Poli­tiijat akšu­neren suolle­mas gávppa­šeami dihte

-

-

Politiijat leat dán rádjái áššáiduhttán guovtti olbmo. Doaivumis bistá akšuvdna bearjadahkii.

Finnmárkku politiijat akšunerejedje gaskavahku geassemánu 10. beaivvi muhtin guollevuostáiváldi báikkis Ávanuoris, mas sihke Guolástusdirektoráhtta, Råfiskelaget, Vearroetáhtta ja Riddovákta  ledje ráđđeaddin. Guokte olbmo leaba váldon ja áššáiduhtton go leaba rihkkon áhperesursalága. Akšuvdna lea ain jođus ja galgá doaivumus bistit bearjadahkii.

Guokte olbmo leaba áššáiduhtton go leaba oastán dahje mielváikkuhan oastimis stuorra meriid guoli iešguđetge fatnasiin eaba ge leat čálihan dan loahppaguitii. Nubbi lea beassan eret háldogiddagasas, nubbi lea ain politiijaid háldogiddagasas go várohuvvo jávkadit duođaštusaid. Politiijat eai muital geat áššáiduhtton olbmot leaba dahje makkár rolla sudnos leamaš guollevuostáiváldimis.

Lea menddo árrat addit logu man stuorra meari guolis lea sáhka, muhto politiijat ballet ahte lea mearkkašahtti mearri.

-Almmuhus-