– Lean hui ilus go Politiijadirektoráhtta lea váldán vuhtii mu rávvagiid, lohká politiijameašttir Ellen Katrine Hætta.
Politiijadirektoráhtta lea mearridan bisuhit Finnmárkku politiijastruktuvrra nu go politiijameasttir evttohii diimmá juovlamánus.
Buot leansmánnekantuvrrat ja politiijastašuvnnat bisuhuvvojit, earret Unjárggas. Politiijat dáhkidit ahte galget leat liikk oidnosis go ovdal.
– Mis lea leamaš buorre proseassa olles čavčča. Suohkanat, min mielbargit ja eará ovttasbargoguoimmit leat bures searvan bargui, mii lea buktán buori bohtosa, lohká Hætta.
Eambbo rievdadeamit
– Dát lea dehálaš olahus, muhto eat leat vel geargan rievdademiiguin, lohká politiijameasttir. Dás ovddos sii galget nannet politiijabálvalusa, buorrin álbmogii. Sis galget teknologalaš veahkkeneavvut, ja galget gávdnat ođđa bargovugiid.
Finnmárkkus šaddet njeallje leansmánne- ja politiijastašuvdnaguovllu. Dan njealji guovllus leat 17 leansmánnekantuvrra ja politiijastašuvnna, mii doibmii biddjo 2017 geasi.
