-Almmuhus-
OĐĐASATPolitiijaolmmái Nordlánddas áššáskuhtton

Politiijaolmmái Nordlánddas áššáskuhtton

-

-

Galgá rohcošan vuolleahkásaš mánáin.

Muhtun politiijaolmmái Nordlánddas lea áššáskuhtton go galgá rohcošan vuolleahkásaš mánáin.

Son lea suspenderejuvvon barggus dassážii go duopmu boahtá.

Rohcošeamit galget dáhpáhuvvan go nieiddaš lei 15-jahkásaš, čállá Avisa Nordland.

 

Ii leat dovddastan

Politiijabálvá biehttala vearredagu. Sálttu diggegoddi lea guokte beaivvi meannudan ášši.

– Lea duođaštuvvon ahte lea dahkan daguid maid vuođul lea áššáskuhtton. Lea dušše okta bealli mii váilu dán áššis, ja dat lea dovddastus, logai áktor Bjørn Kristian Soknes disdaga loahpahanprosedyras.

 

Bealušteaddji bivddii áššehuhttima

Politiijameašttir Tone Vangen ii áiggo kommenteret ášši, muhto lohká aviisii ahte bálvá lea suspenderejuvvon, ja ahte lea personálaášši jođus, mii čuovvoluvvo go duopmu boahtá.

Olbmá bealušteaddji, Finn Ove Smith, čuoččuhus lei áššehuhttin.

– Leat dušše guovttis geat dihtet mii lea dáhpáhuvvan dán áššis, ja dat lea gillájeaddji ja áššáskuhtton. Gažaldat lea geasa galgá jáhkkit, ja dás ferte duođas jáhkkit sutnje. Noađđi mii boahtá jus dubmehallá, lea nu stuoris ahte lea buoret jus logi sivalačča besset friddja, go ahte okta vigiheapme dubmehallá, logai Smith.

(©NTB)

-Almmuhus-