-Almmuhus-
-Almmuhus-
-Almmuhus-
OĐĐASATPolitiijain olu bargu ja unnán návccat mannan ija

Politiijain olu bargu ja unnán návccat mannan ija

-

-

Finnmárkku politiijain lei nu olu bargu mannan ija ahte eai ollen juohkeguvlui.

Finnmárkku politiijain lea leamaš hui olu bargu mannan ija. Dán dieđihit twitteris:

 

HÁMMÁRFEASTA

Dii. 21:49 Politiijaide cavgileapmi promillavuodjima birra. Várohuvvon lea 50-jahkásaš dievdu. Politiijat fitne báikkis ja gávdne olbmá. Čájehuvvui ahte lei gárremin. 

Dii. 23:01 Kunddar galgá časkkáhallan boradanbáikkis. Politiijat čuovvulit ášši go boahtá váidda.

Dii. 02:47 Dievdu váido go juhká alkohola almmolaš báikkis maŋŋel go ovdal lea gildon dahkamis dan.

Dii. 03:04 Feastariedja priváhtačujuhusas mat vurjet ránnjáid. Politiijain eai lean návccat fitnat báikkis.

Dii. 06:07 Feasta priváhtačujuhusas loahpahuvvon.

Dii. 08:58 30-jahkásaš dievdu váidon go galgá vuodjan gárrenoaivvis ja vuodjinkoarta haga. Bissehuvvon promilladárkkisteamis.

 

ÁLTÁ

Dii. 23:00 Bárdni galgá časkkán iežas eatni go ii leat beassan geavahit interneahta máŋgga idjii. Politiijat leat fitnan báikkis.

Dii. 23:40 Feastariedja dieđihuvvon. Politiijat eai lean návccat fitnat báikkis.

Dii. 00:22 Feastariedja. Politiijat fitne báikkis ja čovde váttisvuođa.

Dii. 01:21 Feasta loahpahuvvon priváhtačujuhusas go galgá leamaš beare riedja. 

Dii. 02:55 Boahtán váidda go giliviesus gos leat doalut lea beare riedja. Politiijain eai lean návccat fitnat báikkis.

Dii. 03:40 Priváhtafeasta loahpahuvvon.

Dii. 03:48 Nissonolmmoš vuodjan gárrenoaivvis olgoriikabiillain mii ii leat registrerejuvvon. Ášši čuovvoluvvo go leat sihkkarasten duođaštusaid.

Dii. 04:11 Veahkaválddálašvuohta lagas birrasis bearrašis. Politiijat báikkis. Dutkagohtet ášši ja čuovvulit.

Dii. 04:18 Nuorat gaikugoahtán ja billistišgoahtán šilttaid bargobáikkis. Politiijat báikkis ja čovdet váttisvuođa.

Dii. 05:09 Politiijat loahpahedje priváhtafeasta go ránnját galget nu máŋgii váidán dan.

Dii. 06:12 Politiijat priváhtačujuhusas ja dolvo eret sávakeahtes dievddu čujuhusas.

Dii. 09:30 Promilladárkkisteapmi. 35 dárkkistuvvon, buot áibbas ok.

 

SÁLLAN

Dii. 22:58 Suhttan guossi almmolaš báikkis. Guođđá báikki maŋemus ieš.

Dii. 00:01 Dievdu bidjon eret festiválabáikkis. 

Dii. 01:02 Veahkaválddálašvuohta guovtti olbmo gaskas. Okta olmmoš lea várohuvvon ja šaddá vuordit ahte čuovvoluvvo politiijaid bealis.

 

PORSÁŊGU

Dii. 00:01 Veahkaválddálašvuohta ja áitagat bearraša oktavuođas. Dievdu bidjon giddagassii ja váralaš vearju duoguštuvvon. Bidjon giddagassii go galgá rihkkon politiijalága.

Dii. 00:14 Riedja ja beanaciellan priváhtačujuhusas. Politiijain eai lean návccat fitnat báikkis.

 

KÁRÁŠJOHKA

Dii. 00:11 Feastariedja priváhtačujuhusas. Politiijain eai lean návccat fitnat báikkis.

Dii. 01:53 Feastariedja ja musihkka priváhtačujuhusas. Politiijain eai lean návccat fitnat báikkis.

Dii. 03:33 Muosehis almmái vuorjá bargiid Scandic hoteallas. Maŋŋel go okta bargi lea guhká hálahan albmá de viimmat oažžu su olggos ja beassá lásset uvssa.

 

VÁRGGÁT

Dii. 00:26 Cavgileapmi gárrenolbmuid birra mat leat čoagganan ovtta sadjái ja rigerejit. Go politiijat fitne báikkis ii leat oktage oaidnimis. 

Dii. 01:10 30-40 olbmo rigerejit nu garrasit priváhtačujuhusas ahte politiijat fertejit loahpahit feasta go bohte báikái.

 

ČÁHCESUOLU

Dii. 01:00 Politiijat humadit mopedavuddjiiguin Čáhcesullo gávpogis go deaivvadit.

 

MÁHKARÁVJU

Dii. 01:54 Politiijat báikkis hoteallas gos galgá feastariedja. 

 

GUOVDAGEAIDNU

Dii. 03:07 Sávakeahtes gárren guossi priváhtačujuhusas. Politiijat eai lean návccat fitnat báikkis.

-Almmuhus-