Dán jagáš Gaskaijarocka lea nohkán, ja politiijaid bealis lea festivála mannán fiidnát.
Dán jagáš Gaskaijarocka lea nohkán, ja politiijaid bealis lea festivála mannán fiidnát.
– Mis leat leamaš unnán dáhpáhusat buohtastahttojuvvon ovddit jagiiguin. Guossit leat láhtten čábbát oppalaččat ja ledjen unnán ráŋggáštusáššit mat álggahuvvo Gaskaijarockas, dieđiha gaskaáigásaččat virgáibiddjon regiovdnaleansmánni Christen Selvåg.
Lea dušše okta váidalus healgga maŋŋel. Okta nisu 40-jagiin várohuvvo veagaváldon.
Guokte olbmo leaba váldon gitta bearjadaga ja áššáiduhtton.
Ášši dutkojuvvo viidásit ja politiija lea ohcan buot luottaid ja jearahallan sin geaid sáhtte.
– Lassin dasa de lea vurdojuvvon okta vel váidalus oktavuođas veahkaváldima festiválabáikkis, muitala Selvåg.
Unnán alkoholaáššit
Lea leamaš unnán dábálaš alkoholaáššit mat gusket veahkaváldimii ja rigerrii.
4-5 olbmo gevrejuvvo eret festiválabáikkis, ja 5 vuolleahkahačča geat eai lean nohkka boarrásat leat festiválas šadde guođđit báikki.
– Mis lei maiddái narkotihkkabeana mielde gaskaijarockas, ja ovddit jagiid de leat máŋggas gávnnahallan narkotihka vurkodeame dahje geavaheame festiválas. Muhto ii dán jagi. Dainna leat issoras duhtavaččat, lohka Selvåg ja rámida festiválamanniid go nu buorre festiválaláhtten lea.
Eai lean johtolagas ge olu rihkkumat.
Okta olmmoš lea váidon promillavuodjimis ja guovttes fas beare leahtus vujiiga, muitala Selvåg.
