Politiija muittuha – ii leat lohpi sirdit loddebesiid

Romssa politiijaguovlu avžžuha álbmoga diktit luonddu leat luondun.

Romssa politiijaguovllu operašuvdnaguovddážis leat maŋimuš áiggi ožžon telefuvnnaid vuorjašuvvan olbmuiguin geat navdet loddečivggaid báhcán oarbbisin ja dárbbašit veahki. 

 – Allet vikka veahkehit. Mannet baicca eret ja diktet luonddu leat. Loddečivggat šaddet juogo stuorrát ja gievrrat, dahje gártet borramuššan earáide. Ja muitet ahte ii leat lohpi sirdit besiid, čállá Romssa politijaguovlu Twittera bokte.