Ođđajagi rájes lea gielddaid ovddasvástádus vihahit borgárlaš náittospáraid, sihke sátnejođiheaddji ja várresátnejođiheaddji beassaba náitit báraid.
Ođđajagi rájes lea gielddaid ovddasvástádus vihahit borgárlaš náittospáraid, sihke sátnejođiheaddji ja várresátnejođiheaddji beassaba náitit báraid.
Stuorradiggi lea gieskat mearridan rievdadit náittoslága.
Ođđajagi rájes lea gielddaid ovddasvástádus vihahit borgárlaš náittospáraid, mii dássážii leamaš diggegottiid bargun.
Láhkarievdadus addá buot Norgga sátnejođiheddjiide ja várresátnejođiheddjiide válddi vihahit náittospáraid geat háliidit borgárlaččat náitalit.
Gielddastivrrain sáhttet maiddái mearridit dan válddi addit eará gielddabargiide dahje politihkkáriidda.
– Doaibmasirdin mielddisbuktá ahte gielddat fertejit ráhkkanit ja leat gergosat váldit vuostá náittospáraid geat háliidit náitalit borgárlaččat. Plána mielde sirdojuvvo vihaheami ovddasvástádus diggegottiin gielddaide ođđajagemánu 1. beaivvi 2018. Gielddat fertejit ovdagihtii mearridit geain galgá váldi vihahit náittospáraid. Láhka cealká ahte sátnejođiheaddjit ja várresátnejođiheaddjit sáhttet náitit páraid, čállá Mánáid- ja dásseárvodepartemeanta reivvestis gielddaide.
Norgga diggegotti duopmárat masset rievtti vihahit náittosbáraid ođđajagi rájes.
