Sámedikkis rievdadedje ehtalaš njuolggadusaid. Politihkkarat eai ožžon diehtit ahte dan dahke seksuála loavkašuhttima dihte.
Sámedikkis rievdadedje ehtalaš njuolggadusaid. Politihkkarat eai ožžon diehtit ahte dan dahke seksuála loavkašuhttima dihte.
NRK Sápmi lea dán vahkku muitalan unohis seksuála dáhpáhusaid birra mat Sámedikkis leat leamaš. Muhtun politihkkarat muitalit mediai ahte leat vásihan seksuála loavkašuhttima.
Muhtun dákkár dáhpáhus dagahii ahte Sámediggi oaččui buot politihkkariid geahčadit, ja ovttas rievdadit ehtalaš njuolggadusaid mat sis ledje.
Dál muitalit politihkkarat NRK Sápmái ahte sii eai dalle diehtán manne dan dahke.
– Orui buorre čoavddus
Dalá dievasčoahkkinjođiheaddji Jørn Are Gaski lohká NRK:i ahte sáhttá gal dál maŋŋil digaštallat lei go riekta nu go dahke.
– Digaštallen ášši suinna gii dieđihii dáhpáhusa. Loahppaboađus šattai ahte mii geahčadeimmet njuolggadusaid. Su mielas orui dat buorre čoavddus, lohká Gaski.
Ovddeš sámediggepresideantta Vibeke Larsen fas lohká ahte sii eai duostan muitalit, ja danne garve dan namuheames.
Dál son rámida su gii duosttai muitalit.
