-Almmuhus-
-Almmuhus-
-Almmuhus-
OĐĐASATPolaris Grand Prix sihkkelgilvvut Sirpmás

Polaris Grand Prix sihkkelgilvvut Sirpmás

-

-

Dán vahkuloahpa lágiduvvojit Polaris Grand Prix sihkkelgilvvut Sirpmás, Deanu gielddas. Sihkkelgilvu lea sihke proffa sihkkelasttiide, lášmmohalliide ja maiddái mánáide.

Sirbmá valáštallansearvi lea lágideaddji ja searvvi stivraláhttu Synnøve Solbakk illuda go dál fas lea áigi lágidit gilvvuid. Son muitala sihkkelgilvvuide čoahkkanit olu olbmot geahččat gilvvohallamiid. Dan oktavuođas guossoha searvi maiddái borramuša ja juhkamuša.

 

Gilvvut lágiduvvojit sihke lávvardaga ja sotnabeaivvi

Odne gaskaija loahpá dieđihanáigi proffaluohkáide. Lea ain vejolašvuohta váldit mielde sihkkela jus háliidat searvat hárjehalliluohkkái sotnabeaivvi vaikko it leat dieđihan searvat ovdagiitii. Mánát besset mielde searvat mánáidgilvvuide, dasa ii leat dieđihan áigi.

 – Válddes mielde sihkkela ja searvva, dadjá searvvi stivraláhttu Synnøve Solbakk.

-Almmuhus-