Sylvi Andreassen ja Irene Ojala, geat jođiheaba poastakoartaakšuvnna mii doarju buohcciviesu bálvalusaid Áltái, finadeigga Guovdageainnu sátnejođiheaddji luhtte ságastallame fáttá birra.
Sylvi Andreassen ja Irene Ojala, geat jođiheaba poastakoartaakšuvnna mii doarju buohcciviesu bálvalusaid Áltái, finadeigga Guovdageainnu sátnejođiheaddji luhtte ságastallame fáttá birra.
Bargu buoridit fáhkkabuhcciid- ja riegádahttinbálvalusa joatká, ja ráđđehus lea ráhkadan politihkalaš vuođu, mas okta mihtuin lea gávdnat «Ođđa ja buoret vuogit bargat».
Dat ođđa ja buoret vuogit fertejit ávkin dearvvašvuođasuorgái vai sáhttet ráhkadit jierbmás čovdosiid pasieanttaide, vaikko gos pasieanta de orru, ja vaikko guđe buohccivissui ferte mannat iskkademiide ja dálkkodeapmái.
Humadeaba politihkkáriiguin
– Go lea vejolaš, de humadit politihkkáriiguin, ja gullat makkár áššit leat dehálaččat suohkana ássiide. Mii gullat daid evttohusaid maid mii oažžut politihkkáriin, ja jus lea dárbbašlaš, de gávdnat lassidieđuid dieđuide maid pasieanttat, lagamuččat ja eará bealit midjiide muitalit. Dan bokte oažžut mii buoret ollislaš gova man mii geavahit viidáset barggus, čilgeba poastakoartanissonat Andreassen ja Ojala.
Gaskavahkku finadeigga Guovdageainnu sátnejođiheaddji Johan Vasara luhtte. Lei buorre ságastallan mas bohte ollu buorit jurdagat mat gusket erenoamážit kulturipmárdussii ja lea dehálaš fáddán.
