Go leat gakcun dan guhkes vuostálaga ja leat Gállogiettis, de leat measta joavdan. Ja de ii leat go bijadit báraguovllu guvlui ja báralávvui. Go doppe dat geavvá. Doppe dat pilsnár deaivvada poesiijain.
Go leat gakcun dan guhkes vuostálaga ja leat Gállogiettis, de leat measta joavdan. Ja de ii leat go bijadit báraguovllu guvlui ja báralávvui. Go doppe dat geavvá. Doppe dat pilsnár deaivvada poesiijain.
– Lea gelddolaš joavku čállit dán jagáš «Pilsnár & Poesijas», muitala Márkomeannu festiválajođiheaddji Marita Eilertsen.
Stina Inga lea Gironis Ruoŧa bealde eret, Risten Biret Elle Eira nuorra taleanta Guovdageainnus eret, ja Johan Sandberg McGuinne fas oarjánsápmelaš ja gealálaš
Ráhkisvuođa
Stina Inga boahtá lohkat oasáža «Jag dör en kort stund», mii lea guhkesdikta mas nisu govvádallá iežas eallima ráhkisvuođa, mii muhtin áiggi maŋŋá rievdá bahča beahttašupmin, panihkalaš ballun ja jápminballun.
Iežas ođđa diktačoakkáldagain čájeha Stina Inga ahte son lea okta dain deháleamos sámi poehtain mat mis leat dál.
– Stina Inga lea guhkit áiggi bargan oahpaheaddjin Skániin. Sus lea dehálaš fáddá girjjis, ja mun hervvošan su go duostá čállit veahkaválddálašvuođa birra lagaš gaskavuođain, muitala festiválajođiheaddji Marita Eilertsen.
Márkomeannu pressagovva
Sámi dološ jáhkuin
Risten Biret Elle galgá fas lohkat oasáža noveallas «Sohkarieti», mii lea nissona birra guhte heahpatvuođa dihte guođđá iežas máná meahccái jápmit. Novealla duhkoraddá sámi dološ jáhkuin ja tabuiguin.
– Mii illudat gullat oasáža su noveallas, ja mii leat gealdagasas oaidnit maid son boahtteáiggis olaha, dadjá festiválajođiheaddji áŋgirit.
Váldit ruovttoluotta gielas
Johan Sandberg McGuinne lea sámi čálli, girjjálašvuođadiehtti, oahpaheaddji ja aktivista. McGuinne lea okta sis guhte lea álggahan sámi fanzine «Sápmi 2.0 Subalter No More».
Fanzine lea dáidda- ja aktivistaprošeakta mii dáhttu veahkehit sápmelaččaid váldit ruovttoluotta gielaset, sin rupmašiid, miela ja árbevirolaš guovlluid dekoloniserema bokte.
– Márkomeanus galgá son lohkat oasáža iežas čállosis mii lei «Giellamielas», muitala Eilertsen.
Multidáiddár
– Johan lea sámi multidáiddár. Son čállá, juoigá, vuolggaha dehálaš digaštallamiid – ja duddjo dasa lassin hui čáppa dujiid. Olmmoš ii goassige dieđe mii McGuinne boahtte prošeakta lea, muhto ii leat eahpádus ahte lea juoga gelddolaš, muitala Eilertsen, ja lasiha vel:
– Lea láhččojuvvon gelddolaš eahkedin Gállogiettis, muitala Eilertsen.
Dán čállet Márkomeannu preassadieđáhusas.
