Muhtinat vásihit ahte Pfizer-boahkuma geažil bohtanit lymfačuolmmat gieđavuliin. Nissonat fas vásihit ahte čiččit sturrot.
Dat dáhpáhuvvai earret eará 17-jahkásaš Emmain Oslos.
– Mun šadden molsut stuorát čižžedoalaniidda. De lei veahá heahti, dajai Emma NRK:i.
Stáhta dálkkasruvke medisiinnalaš fágadirektevra, Steinar Madsen, dadjá son gulai dán birra sosiála mediain nugo Tiktok, ja amerihká stivrenválddiin.
– Dat mii sáhttá leat čilgehus dasa lea ahte 10 proseantta boahkuhuvvon olbmuin sáhttet lymfačuolmmat bohtanit gieđavuliin. Dat fas deddet čiččiid ovddas, ja olmmoš doaivu ahte leat sturron, dadjá Steinar Madsen.
Madsen dieđuid mielde galgá dát váikkuhus buorránit moatti vahkkus.
(©NTB)
