Čájálmas «Imaštalan» lea čálli ja bagadalli Eva Dons persovnnalaš čižžeborasdávdda ja buozalmasvuođa vásáhusaid birra.
Sámi Nationálateáhter Beaivváža «Imaštalan» bihtás lea vuosttaščájálmas bearjadaga čakčamánu 2. beaivvi Guovdageainnus. Lea čájálmas mo lea dávddain ealit, muitalus lea vižžon čálli, bagadalli ja šuokŋadahkki Eva Dons čállojuvvon beaivegirjjiin ja ovdanbuktojuvvo musihka, luođi ja áicama bokte.
– Ii leat álo nu álki gávdnat rievttes sániid go buohcá, eai ge álo dárbbaš leat sánit, čállá Sámi Nationálateáhter Beaivváš preassadieđáhusas.
Neavttár
Čálli háliida dahkat rájákeahtes dáiddalaš prošeavtta borasdávdda birra, vai ipmirdit movt lea buohcat, ja suokkardit sihke gielalaččat oppalaš árvvoštallama bokte olbmo buozalmasvuođa vásáhusaid.
Neavttár Mary Sarre ja čuojaheaddji Roger Ludvigsen ovdanbuktiba čájálmasa teavsttaid, lávlagiid, juoigama ja musihka bokte. Bivttashábmejeaddji lea Ramona Salo Myrseth.
