Arctic Lavvo gálvojohtu lea njiedjan, ja fertejit permiteret 11 bargi.
Altaposten čállá ahte Arctic Lavvo lea permiteren buot bargiid. Altaposten muitalii ovdal vahkkoloahpa ahte fitnodat geahččalii garvit permitterema fállámis gearggusvuođatealttáid suohkaniidda, dearvvašvuođasuorgái ja earáide geat dárbbašit liigelanja korona dihte.
– Dienas priváhtamárkanis lea njiedjan, ja dál geahččalit mii oažžut eanet gálvojođu vai eat dárbbat permiteret, logai beaivválaš jođiheaddji Anders Bongo-Wiik Altapostenii ovdal vahkkoloahpa. Odne dieđiha Altaposten ahte bargit fertejit aŋkke permitterejuvvot cuoŋománu 1. beaivvi rájes.
