-Almmuhus-
OĐĐASATPenšuvdnasearvi vuvddii iežas ossosiid oljosáttuin

Penšuvdnasearvi vuvddii iežas ossosiid oljosáttuin

-

-

Penšuvdnasearvi KLP lea mearridan ahte eai investere ruđa fitnodagaide mat dinejit fuomášuhtti ruđa oljosáttoroggamis.

– Mearrádus dahkkui maŋŋel eahpedábálaš oljo- ja gássabohkama dálkkádat- ja birasvára iskama. Dálkkádat- ja birasváikkuhusat oljosáttoroggamis leat seamma stuorrát go koallaroggamis dadjá Anne Kvam, KLP Kapitalforvaltning geatnegas investeremiid jođiheaddji.

Fitnodat gesii iežas eret koallaroggamis 2014:s.

– Iige koallaroggamiin dahje oljosáttoroggamiin olat Paris-šiehtadusa dahje guoktegrádaulbmila, čállá fitnodat preassadieđáhusas.

 

30 proseantta dahje eambbo sisaboahttin

KLP lea mearridan ahte eai investere fitnodagaide main lea 30 proseantta dahje eambbo sisaboahtu oljosáttoroggamis.

Dan seamma guoská fitnodagaide mat leat kombineren sisaboađu oljosattoroggamis ja koalladoaimmas badjel 30 proseantta. Makkár fitnodagain lea sáhka, cielgá maŋimuš geassemánu 1. beaivvi 2018.

Penšuvdnafitnodat lasiha iežat investeremiid ođasmahtti energiijai, ovdamearkka dihtii ovddidanriikkain.

Statoil vuvddii iežaset ossosiid oljosáttoprošeavttas Albertas, Kanadas loahpageahčen mannan jagi. Bihkkasátto-, dahje oljosáttoroggan lea hui resursagáibideaddji. (©NTB)

-Almmuhus-