Juohke goalmmát pasieanta gii lea beassan lohkat iežas elektruvnnalaš pasientajournála dovdá iežas eanet oadjebassan go manná dearvvašvuođalágádusaide. Lea buorre pasientii go beassá lohkkat movt su dálkkodeaddji árvvoštálla buozanvuođa dahje vigi, čájeha ođđa dutkan.
Juohke goalmmát pasieanta gii lea beassan lohkat iežas elektruvnnalaš pasientajournála dovdá iežas eanet oadjebassan go manná dearvvašvuođalágádusaide. Lea buorre pasientii go beassá lohkkat movt su dálkkodeaddji árvvoštálla buozanvuođa dahje vigi, čájeha ođđa dutkan.
Norgga stuorámus álbmotguorahallan e-dearvvašvuođa birra – Norgga e-dearvvašvuođabaromehter, čađahuvvui ja bagadallojuvvui DIPS ASA:s.
Dan besset buohkat lohkat geat háliidit eanet rabasvuođa ja pasieantafátmmasteami dearvvašvuođalágádusas.
Iskkadeamis ledje 2000 norgalačča ja 200 dearvvašvuođabargi, ja dat čađahuvvui ovdalaš geasi.
Bohtosat
Juohke viđat norgalaš beassá dal lohkat iežas elektruvnnalaš pasieantajournála, ja olles 81 proseantta mielas lea dat hui buorre.
28 proseantta pasieanttain mat leat lohkan journálaset dovdet eambbo oadjebasvuođa dan dikšui maid sii leat ožžon, ja 32 proseantta fas dovdet iežaset eambbo fátmastuvvon.
– Dát lea hui buorre ođas sidjiide geat háliidit ahte pasieanta galgá eambbo fátmastuvvot. Mun hirpmástuvven go measta juohke goalmmát pasieanta dovdá iežas eambbo oadjebassan go beassá lohkat iežas journála, muitala Opinion seniorráđđeáddi Ola Gaute Aas Askheim, guhte lea čađahan iskosa DIPS:a ovddas.
Álki ja áddehahtti
Pasieanttat mat leat lohkan iežaset elektronalaš pasieantajournálaid muitalit iskosis ahte sis leat buorit vásáhusaŧ journálabálvalusain:
– Njealjis viđa pasieanttain muitalit ahte lea álki beassat sisa neahttasiidui ja gávdnat dieđuid.
– Guovttis golmma pasieanttas muitalit siidu lea áddehahtti ja lea álki orienteret journálas.
– Golmmas njealji pasieanttas oaivvildit giela lea álki ipmirdit.
– Guovttis golmma pasieanttas gávdnet dieđuid maid leat ohccáme journálas.
– Juohke goalmmát pasieanta muitala sii dovdet eambbo fátmástuvvon divššus go besset lohkat journálaset.
Ávkeárvu
Iskosis jerro lea go pasieanta mielas ávkeárvu das go beassá lohkat iežas elektruvnnalaš pasientajournála.
83 proseantta oaivvilda ahte lea ávkkálaš go besset lohkat divššu árvvoštallama.
75 proseantta pasieanttain oaivvilda lea buorre go besset gulahallat dearvvašvuođabargiiguin ja doaktáriiguin.
Dearvvašvuođabargit leat ovttaoaivilis
Badjel bealli buot doaktáriin ja dearvvašvuođabargiin Norgga e-dearvvašvuođabaromehteris leat ovttaoaivilis ahte lea buorre pasieanttaide go besset lohkat iežaset elektruvnnalaš pasieantajournálaid.
Muhte máŋggasat eai leat goitge ovttaoaivilis dainna ahte elektruvnnalaš pasieanta journála álkidahtá dearvvašvuođabargiid bargoáiggiid.
