Diibmá oaččui Guovdageainnu boarrásiidruoktu áibbas ođđa sihkkela. Dál ožžot vel nuppi sihkkela skeaŋkkas.
Diibmá oaččui Guovdageainnu boarrásiidruoktu áibbas ođđa sihkkela. Dál ožžot vel nuppi sihkkela skeaŋkkas.
Guovdageainnu boarrásiidruoktu leat diibmá ožžon sihkkela mainna oapmahaččat dahje bargit besset geavaheddjiid váldit olgoáimmu ovdii.
Dál leat sii ožžon vel nuppi sihkkela maid Guovdageainnu Eaktodahttoguovddáš geige boarrásiidruktui.
Sávvet sihkkela geavahuvvot
Sihke sii geat orrot boarrásiidruovttus ja eará vuorasolbmot galget oažžut geavahit dáid sihkkeliid jus ii leat vejolašvuohta ieš sihkkelastit go čáppa dálki geasuha. Eaktodahttoguovddáš sávvá ja jáhkká ahte sihkkel geavahuvvo viššalit giđa ja geasi mielde ovttas dainna nuppi sihkkeliin maid Guovdageainnu Bargoguovddáš lea skeŋken boarrásiidruktui diibmá, čállá Eaktodahttoguovddáš preassadieđáhusas.
Elrávdnjesihkkela skeŋken
Sihkkel lea skeaŋka maid Gjensidigestiftelsen lea skeŋken «Sammen på sykkel» organisašuvdnii, ja Guovdageaidnu lea okta suohkaniin geasa leat válljen addit sihkkela. Sihkkelis lea elrávdnjemutuvra mii veahkeha doalvut sihkkela ovddosguvlui.
