Buot vuosttaš luohká oahppit olles Trøndelágas ožžot dál mátkegoartta lullisámegillii.
Álggos ožžo dušše vuosttaš luohkkálaččat Plassjes, Snoasas ja Raarvihkes sámegiel mátkegoartta. Muhto dál ožžot buot vuosttašluohkkálaččat olles Trøndelágas.
Buot oahppit vuođđoskuvllas, geain leat riekti skuvlasáhttui, ožžot goartta mainna mátkkoštit nuvttá. Dál lea dat čállon maid lullisámegillii.
– Mii leat rámis go beassat leat mielde buktime sámegiela oidnosii ja ovddidt sámi kultuvrras olles fylkkas, dadjá Reidun Småge, gii lea AtB márkananastingulahallama ossodatjođiheaddji.
Trøndelága fylkkasuohkana johtolatossodat ja AtB dat lágidit fylkka skuvlasáhtu. Sii dat leat álggahan dán sámegielprošeavtta, searválaga fylkkasuohkana sámi koordináhtoriin.
Trøndelága oahppit ja oahpahallit joatkkaskuvllain ožžot digitála mátkegoartta Pocket ID-appa bokte. Doppe sáhttá válljet sámegiela.
