-Almmuhus-
-Almmuhus-
-Almmuhus-
OĐĐASATOžžot ruoná doarjaga oktasaš deaivvadanguovddážii

Ožžot ruoná doarjaga oktasaš deaivvadanguovddážii

-

-

Finnmárkku fylkkagielda lea dál ožžon ruđa Birasdirektoráhtas bidjat johtui barggu ráhkadit kollektiivadeaivvadanbáikkiid. 

 

Fylkagielda ozai doarjaga ovdaprošektii goappaš báikkiide dálvet, ja suohkanat vulge doaibmaoasálažžan, lassin go Stáhta geaidnodoaimmahat lea lunddolaš ovttasbargoguoibmi hábmemis ođđa johtolatdeaivvadanbáikkiid, dieđiha fylkkagielda preassadieđáhusas. 

 

Gávpotterminála váttisvuohtan 

– Mátta-Várjjat lea okta min stuorámus ja deháleamos kollektiivasuohkaniin, dadjá johtolathoavda. Lea buot jagiid leamaš váttisvuohta mátkkošteddjiide go ii leat gávpotterminála, gos beasaše molsut mátkkoštanvejolašvuođaid. 

– Girkonjárggas lea dál «beannot bussebisánansadji» mii doaibmá gávpotterminálan, mii ii leat doarvái buorre, dadjá Holm-Varsi, ja lasiha ahte gávpogis lea lassánan kollektiivaovdánahttin maŋimuš jagiid, ja dál leat gaskal 200-300 000 mátkkošteaddji jahkásaččat. 

 

Nannánjohtolat deaivvada mearraruvttuin

Lákkonjárgga guovllus, oarjjabealde Álttávuona, plánejuvvo dál johtolatdeaivvadanbáiki bussiide, leaktofatnasii ja fergii.

Das áigu fylkkagielda fuolahit guorahallama, vejolašvuođaide.

– Deike mii hukset dan mii lea vuosttaš boahtteáiggi birasdeaivvadanbáiki, dadjá Holm-Varsi, geas fárrolaga suohkaniiguin ja Stáda geaidnodoaimmahagain leat stuora vuordámušat sáhttit fállat deaivvadanbáikki mas muhtin jagiid geahčen lea nullaluoitin beroškeahttá fievrrus. 

– Lákkonjárga lea olggobealbáiki, muhto deaivvadanbáikn gos meararuvttut deaivvadit nannánjohtolagain lea ideálalaččat buorre, dadjá johtolathoavda, gii geasseluomu maŋŋel oažžugoahtá sadjái prošeaktastivrra mii bargá goabbat prošeavttain. 

 

Ii hirpmástuvvan

Lohpádus Birasdirektoráhtas ii gal hirpmástuhttán johtolathoavdda, go dadjá ahte sii leat diehtán olu jagiid juo ahte leat buorit, vaikko ovddemusaid searvvis, das ahte jurddahit ođđa, ruoná ja innovatiiva jurdagiid kollektiivajohtolaga birra. 

– Mis lea mearriduvvon ahte buot kollektiivajohtolat Finnmárkkus galgá leat nullaluoitinteknologiija 2026 rádjái. Dát doarjja ovdaprošektii Birasdirektoráhtas lea dehálaš, go jurddaha ahte mis leat ráddjejuvvon ruđat dán bušehttii ovdalaččas, dadjá Holm-Varsi. 

 – Dál galgat mii ráhkadit buriid ruoná oktasaš deaivvadanguovddážiid Girkonjárggas ja Lákkonjárggas, dadjá johtalushoavda Per Bjørn Holm-Varsi.

Finnmárkku fylkkagielda lea ožžon ruđaid lohpádussan Birasdirektoráhtas, vai bohtet johtui ráhkadit oktasaš deaivvadanguovddážiid kollektiivafievrruid várás.

-Almmuhus-