RiddoDuottarMuseat ožžot doarjaga oastit dálááiggedáidaga.
Kulturdepartemeanta čállá preassadieđáhusas ahte sii juolludit miljovnna ruvnno sihke RiddoDuottarMuseaide ja Davvi-Norgga Dáiddamuseii. Juolludeapmi lea doaimmaide covid-19-roasu geažil, ja galgá geavahuvvot oastit dáidagiid 2021 vuosttaš oasis.
– Movttiidahttindoaimmat dáiddaeallimii leat dehálaččat museaide ja dáiddáriidda. Mis ledje buorit vásáhusat diibmá, ja dál joatkit dainna. Doarjja veahkeha doalahit gávpeberoštumi dáiddamárkanis. Lea buorre doaibmabidju mii lea veahkkin sihke museaide ja dáiddáriidda hástaleaddji áiggis. Lean registreren ahte máŋga museajođiheaddji ja dáiddasearvvi leat hui positiivvat doaibmabidjui, dadjá kultur- ja dásseárvoministtar Abid Q. Raja (G).
Davvi-Norgga Dáiddamusea ja RiddoDuottarMuseat ožžot doarjaga oastit dálááiggedáidaga, giehtadáidaga ja designa, galleriijain ja čájáhusbáikkiin Norggas dahje njuolgga dáiddáris.