-Almmuhus-
-Almmuhus-
-Almmuhus-
OĐĐASATOžžot liige­ruđa kultur­doaimmaide Ruoŧa ráđđe­husas 

Ožžot liige­ruđa kultur­doaimmaide Ruoŧa ráđđe­husas 

-

-

Ruoŧa Sámediggi oažžu oktiibuot njeallje miljovnna liigeruđa kulturdoaimmaide, dieđihii Ruoŧa kulturministtar Amanda Lind bearjadaga preassadieđáhusas. 

Liigeruhta galgá juhkkojuvvot sámi kulturdoaimmaide ja ruhta lea oassin Ruoŧa ráđđehusa čavčča lassebušeahtas man ráđđehusbellodagat leat soahpan ovttas. 

Sámedikki kulturráđi ságadoalli lea duđavaš dieđuin: 

– Diet lea buorre álgu dán jahkái. Diet boahtá buorren veahkkin sámi kulturbargiide ja kulturorganisašuvnnaide ja servviide. Dieđusge galgá Sámediggi loktet lassedárbbuid boahtte jahkái, dadjá Sámedikki kulturráđi ságadoalli Ingrid Inga sámerádion & SVT Sápmái.

-Almmuhus-