-Almmuhus-
OĐĐASATOžžot doarjaga ealáhusovdánahttimii

Ožžot doarjaga ealáhusovdánahttimii

-

-

Romssa ja Finnmárkku fylkkasuohkan lea juolludan doarjaga ovttasbargguide ja surggiide mat galget ovdánahttit ealáhusaid. Fylkkasuohkan juolluda olles 5 miljovnna ruvnno regiovdnii koronaáiggi ja maŋŋel koronaáiggi. 

Romssa ja Finnmárkku fylkkasuohkanis ii gávdno suorgi mii lea mielde internationála suorgeprográmmas, ja dat  suorggit mat dál gávdnojit signaliserejit dárbbu regionála ruhtadeapmái. Áigumuš dáinna suorgebargguin lea addit fitnodagaide main leat sullasaš hástalusat vejolašvuođa láhčit dili oktasaš ovdáneapmái. 

– Suorge-neavvu lea dehálaš earenomážit Davvi-Norgga ealáhuseallimii, main leat unnibuš ja gaskkamuttolaš fitnodagat main lea gáržžes ovdánahttinkapasitehta, ja main lea váttis oažžut relevánta gelbbolašvuođa, dutkan ja ovddidanbargu (FoU) birrasa. Dan dihte sávvat mii nannet fitnodagaid sin ovttasbargguin ja gelbbolašvuođaovdánemiin, lohká ealáhusa ja birrasa fylkkaráđđi Karin Eriksen (Gb).

Sihke Finnmárkku fylkkasuohkan ja Romssa fylkasuohkan leat ovttasbargan Innovašuvda Norgga Arktisain ja Norgga Dutkanráđiin, ovddidan dihte surggiide neavvu ovddidit ja stuoridit ealáhuseallima. Leat ollu prošeavttat sihke mearrabiepmuin, bioteknologiijas ja mátkkoštusealáhusas mat leat lihkostuvvan, maid fylkkasuohkanat leat dorjon sihke ruđain ja gelbbolašvuođain.

Dát fitnodagat leat ožžon doarjaga

Arena Fish 365 lea ožžon 400 000 ruvnno šaddat Norgga stuorámus ja gievrramus suorgin mat buvttadit vilges guliid. 

Lakseklyngen SA barget Oarje-Finnmárkkus, muhto sis leat ovttasbargofitnodagat miehtá Romssa ja Finnmárku fylkka. Sii leat ožžon 400 000 ruvnno doarjaga láhčit bissovaš ealáhusovdáneami mearrabirrasis.

Energiklyngen Nord lea ožžon 400.000 ruvnno doarjaga ovdánahttit boahtteáigasaš energiijačovdosit. 

Smart Construction Cluster SA organisere bargoaddiid ja lágideddjiid Romssas ja Finnmárkkus, IT -, huksen,- rusttet- ja opmodatealáhusas ja lea ožžon 400 000 ruvnno doarjaga.

Giehtavuona suohkan háliida ovttasbargat báikkálaš ealáhusaiguin ja gelbbolašvuođaservodagain bargguiduhttit ja ovdanahttit buvttadeami bissovaš ealáhuseallima. Sii leat ožžon 400 000 ruvnno.

Norinnova AS oaččui 200 000 ruvdnosaš doarjaga ásahit dearvvašvuođaovttasbargguid ovddidan dihte dearvvašvuođabargguid ja buoridit dearvvašvuođavejolašvuođaid. 

Sápmi Næringshage AS oaččui 400 000 ruvnno ásahit gálvolágideaddji-ovdánahttinprográmma mii galgá doaibmat Iŋggášguolbba militearaleairra huksemiidda. Ulbmil lea ahte báikkálaš fitnodagat galget oažžut bargguid go militearaleairra stuoridit ja ođasmahttet, ja muđui eará doaibmabargguide. 

Sjømatklyngen Senja AS oaččui 400 000 ruvnno «Industri 2020» prošektii. Sii galget kártet, čohkket, gaskkustit, juohkit ja ovddidit dan gelbbolašvuođa mii Sáččá birrasa ealáhusain lea vuođđoávdnasa gieđahallamii. 

Remiks Miljøpark AS, Vest-Finnmark Avfallsselskap IKS, Avfallsservice AS, Finnmark Miljøtjeneste AS, Finnmark Ressursselskap ja Reno-Vest IKS leat guhká ovttasbargan. Sii leat ožžon 400 000 ruvnno formaliseret ja ovdánahttit ovttasbarggu, mas ovdánahttet oktasaš čovdosiid seastit goluid, synergiijaváikkuhusaid, gelbbolašvuođa ja bissovaš birrasa. 

Romssa suohkan lea ožžon 400 000 ovdaprošektii sátnejođiheaddji-fierpmadahkii Arctic Mayors Forum. Forum galgá dahkat buoret ovttasbarggu oažžut bissovaš ovddideami regiovnnas, nu ahte oktasaš politihkka ja doaimmat sáhttet biddjot johtui. 

-Almmuhus-