-Almmuhus-
OĐĐASATOžžot doarjaga bovdet YAR1Y

Ožžot doarjaga bovdet YAR1Y

-

-

BeskánluossaRock festivála Kárášjogas lea okta dain mat ožžot Barentsruđaid dán vuoru.

Barentsdoarjagat

 

South Friendship Camp, Brønnøy KFUK-KFUM speidere 290 000 ruvnno

 

Ovttasbargu mearradoallooahpahussuorggis Murmánskkas, Finnmárkkus ja Romssas, Davvi Romssa joatkkaskuvla 185 000 ruvnno

 

Inspirašuvdnamátki Norgga-ruošša musihkkajoavkkuide, Rana kulturskuvla 170 000 ruvnno

 

Seed Forum Barents, ruhtadit ođđa fitnodagaid, Mortensen Holding 165 000 

 

Penšunistadeaivvadeapmi Monchegorskas 130 000 ruvnno

box Content…

Barentsčállingotti prošeaktačoahkkimis juhke oktiibuot 1.846.000 ruvnno 15 iešguđetlágán prošeavttaide.

Eanemus oažžu Brønnøy speiderjoavku lágidit speiderdeaivvadeami Nenetsa nuoraide Brønnøysundas, namalassii 290 000 ruvnno.

 

BeskánluossaRockii ruhta

Maiddái BeskánluossaRock festivála Kárášjogas, mii lea vuosttaš vahkkoloahpa suoidnemánus Bieskenjárggas Kárášjogas, oažžu ruđa, vaikko ii leat gal dat stuorimus ruhtasupmi dán ruhtaseahkas. Sidjiide juolludedje 15.000 ruvnno.

– Festivála viiddida dál oaidninguovllu ja bovde artisttaid olles Sámis. Ruoššabealde álget várrogasat, ja bovdejit gielddasámegielat ráppára YAR1Y iežaset ustitvuođagielddas Lujávrris, čállá ruhtajuolludeaddji.

 

Oččodit EU:s váikkuheami

Sámiráđđi lea ges ožžon 158 000 ruvnno “Sápmi EU Faciliation Platform” -prošektii, mas áigot ásahit ovttasbarggu Sámi ja EU gaskii, mii fas galggašii Sápmái addit eanet váikkuheami EU politihkas. Prošeakta čilgejuvvo leat golmma jagi prošeaktan ja das galggašedje ovttasbargat sihke sámi ja EU ásahusaiguin ja maiddái gávdnat bistevaš ruhtadeami sierra ásahussii.

-Almmuhus-