Ruvkefitnodat Talga recources ožžot lobi Norrbottena leanastivrras roggagoahtit 25 000 tonna grafihta Nunasváris Vazážis, Ruoŧas.
Ii leat vel čielggas goas roggamat álget. Dat lea álgu ruvkedoibmii mii lea plánejuvvon Nunasvárrái olggobealde Vazáža. Dat leat Dálmmá čearu dálveeatnamat.
Talga recources lea 2015:s iskan dan guovllu ja sii áigot roggat 100 000 tonna grafihta jahkásaččat guovllus. Muhto ádjána moadde jagi ovdal buot doaibmalobit leat gárvásat, dadjá Talgas Ruoŧa hoavda Anna Utsi SVT Norrbottenii.
Grafihtta galgá geavahuvvot báhtteriidda mat galget buvttaduvvot Lulejus.
