-Almmuhus-
KULTUVRAOžžon doarjaga

Ožžon doarjaga

-

-

Romssa fylkkasuohkan lea juolludan millijovnnaid festiválaide, Márkomeannu oažžu 40 000 kruvnna doarjjan.

 

Márkomeannu festiválabuvttadeaddji Ellen Berit Dalbakk ii lean ollen oažžot dieđu ja háliida vuos oaidnit juolludanmearrádusa, ovdal go kommentere juolludeame.

 – In dieđe makkár eavttuid leat bidjan, nu in hálit vuos kommenteret, lohká Dalbakk. Romssa fylkkasuohkan lea maid juolludan Isogaisa festiválii 20 000 kruvnna doarjjan.

 

30 festivála ožžon doarjaga

Fylkkaráđđi Line Miriam Sandberg, Ovddádusbellodagas, lea juolludan doarjagiid festiválaide Romssa fylkkas. Oktiibuot leat juolludan 2 100 900 miljovnna kruvnna.

 – Dán jagi leat juolludan doarjaga 30 festiválii. Sin gaskkas leat ovccis geat leat ožžon golbma jahkái doarjaga, dán ortnega leat dán jagi ásahan. Golbma jagi doarjjaortnet buktá eanet einnostahttivuođa stuorámus festiválaid doibmii ja ovdáneapmái, ja boahtá maid buorrin gussiide, dadjá Fylkaráđđi kultuvrra, ealáhusa ja dearvvašvuođa ovddas, Line Miriam Sandberg.

 

Ollu ohccit

Romssa fylkkasuohkan oaččui 52 ohcama, mii lea veahá lassáneapmi diimmá ektui. Oktiibuot lei ohccon 7 0483 930 miljovnna kruvnna ovddas. Diimmá ektui ožžot 20 ođđa festivála doarjaga. Diibmá ožžo 33 festivála doarjaga.

 

 

 

 

 

 

 

-Almmuhus-