Porsáŋggu gielda lea ožžon juolluduvvot 450.000 ruvnnu Finnmárkku Fylkkamánnis Ávjováre gielddaid eanadoallu prošektii, mii oktiibuot máksá 3,6 miljon kruvnnu.
Porsáŋggu gielda lea ožžon juolluduvvot 450.000 ruvnnu Finnmárkku Fylkkamánnis Ávjováre gielddaid eanadoallu prošektii, mii oktiibuot máksá 3,6 miljon kruvnnu.
Ávvir čálii golggotmánus Sápmi Agri ávkkálaš prošeavtta birra, masa Ávjovári gielddat ledje ohcan ruhtadeami joatkit eanandoalu ovdánahttinprošeavttain.
Dan maŋŋel leat maiddái Unjárgga ja Deanu gieldda velá njuiken fárrui.
Beroštupmi lassánan
Porsáŋggu sátnejođiheaddji Aina Borch muitalii golggotmánus vásihit beroštumi lassáneami erenomážit Leavnnjas, Billávuonas ja Leaibevuonas vásihat dan.
Billávuonas vásihit beroštumi vuođđoealáhusaide obbalaččat lassánan maŋemuš jagi, nu go reabbábivddu.
Su mielas lei illudahtti ahte nuorat máhccet fas ruoktot ja háliidit álgit vuođđoealáhusain, ja vásihat sii álget ođđa jurddašemiin, nu ahte buvttadeapmi galgá leat nu gánnáhahtti go vejolaš.
Dehálaš bisuhit
Aina Borch ii leat eahpádusas ahte lea dehálaš bisuhit ja oččodit buriid eavttuid eanandollui.
Porsáŋggu gielda galgá jođihit dán golmma jagáš prošeavtta.
Sátnejođiheaddji rámidii Ávjovári prošeavtta addán fierpmádaga ja gelbbolašvuođa.
Boanddat leat veahkkálagaid nevvon ja veahkehan nubbi nuppi. Leamašan sukseassa ja eanadoallu eallá, mii lea movttiidahtti.
Juolludan ruđa
Dál lea Finnmárkku Fylkkamánni juolludan 450.000 kruvnnu dán golmma jahkásaš prošektii, mii oktiibuot máksá 3,6 miljon kruvnnu.
Mielde ruhtadeamin
Dasa lassin galgá Sámediggi, Innovašuvdna Norga ja Finnmárkku Fylkkasuohkan ruhtadit seamma ollu dán golmma jagis, oktiibuot 450.000 kruvnnu golmma jagis.
Guovdageaidnu, Kárášjohka, Porsáŋgu ja Deanu gielda galget ruhtadit 390.000 kruvnnuin ja Unjárgga gielda 240.000 ruvnnuin.
