Guovdageainnu Lagasradio oažžu ruhtaveahki ruovttusuohkanis čađahit guldaleddjiidiskkadeami.
Guovdageainnu Lagasradio (GLR) váldodoaimmaheaddji, Nils Martin Kristensen, čilge ohcamis Guovdageainnu suohkanii ahte radio áiggošii searvat lagasradioid riikaviidosaš guldaleddjiidiskkadeapmái. GLR čilge ahte sii ožžoše dehálaš dieđuid jus servet dán iskkadeapmái, earret eará man olu guldaleaddjit sis leat ja gos guldaleaddjit leat. Dat dieđut attáše lagasradioi vejolašvuođa vuovdit almmuhusaid aktevrraide gos sis leat guldaleaddjit.
GLR čilge ahte máksá 20 000 ruvnno searvat iskkadeapmái ja ohcet suohkanis doarjaga 50 proseantta goluide. Guovdageainnu suohkan juolluda doarjaga suohkana kulturfoanddas dan doibmii ja dorjot doaimma 10 000 ruvnnuin.
