-Almmuhus-
-Almmuhus-
-Almmuhus-
OĐĐASATOžžon badjel 800 ođđa miellahtu moatti beaivvis

Ožžon badjel 800 ođđa miellahtu moatti beaivvis

-

-

– Riehpovuonaášši lea boktán birašberošteddjiid miehtá Norgga. Viđa beaivvis lea Luonddugáhttenlihttu ožžon 821 ođđa miellahtu. 

Maŋŋel go Ealáhusdepartemeanta mannan vahkku attii Nussir ASA ruvkefitnodahkii doaibmalobi Riehpovuona ruvkedoibmii, lea Luonddugáhttenlihttu ožžon hui olu ođđa miellahtuid. Dan muitala Luonddugáhttenlihtu jođiheaddji Silje Ask preassadieđáhusas. 

«Duoldan» sosiála mediain

 Nussir-ášši lea boktán stuora beroštumi ja bohciidahttán olu digaštallamiid:

– Sosiála mediat leat «duoldan» ášši geažil. Mii leat ožžon hui olu doarjaga. Ii leat ii eahpádusas ge ahte ášši fuolastuhttá oallugiid, ja oallugat leat dieđihan lihttui miellahttun ja áigot ovttas minguin vuosttaldit, lohká Ask Lundberg preassadieđáhusas.

Ask Lundberg muitala ahte maŋemus beivviid leat čuđiid mielde olbmo kommenteren čállosiid maid Lunddugáhttelihttu lea almmuhan sosiála mediaide.

– Eatnasat čájehit garra vuostehágu mearradeponiijai, lohká Lundberg. 

 

Čohkken 160 000 ruvnno

Álggus dán vahkku álggahii Luonddugáhttenlihttu maid ruhtačoaggima doarjun dihte searvvi Natur og Ungdom vuosttaldeami ásahit mearradeponiija ruvkebázáhusaide Riehpovutnii. 

– Distatiđidii ledje 700 olbmo addán doarjaga ja addán oktiibuot 160 000 ruvnno, muitala Ask Lundberg.

 

 
 

-Almmuhus-