-Almmuhus-
-Almmuhus-
OĐĐASATOžžon 300.000 ruvnno divuheapmái

Ožžon 300.000 ruvnno divuheapmái

-

-

– Eat sáhte šat maŋidit dán, dadjá Sámediggeráđđelahttu Henrik Olsen.

Sámiid vuorká-dávviriid čoakkáldat

Dáiddačoakkáldagas mii lea vurkejuvvon Sámiid Vuorká-Dávviriidda Kárášjogas, leat dál sullii 1200 buktosat ja dat lea máilmmi stuorámus sámi dálááiggi dáiddačoakkáldat. 

 

Sámediggi eaiggáduššá sullii 1000 buktosa ja Sámiid Vuorká-Dávvirat eaiggáduššet 178 buktosa. 

 

RiddoDuottarMuseas lea hálddašanovddasvástádus ja dáiddabuktosat lea vurkejuvvon magasiidnalanjaide mat gulle Sámiid Vuorká-Dávviriidda Kárášjogas.

Sámediggeráđđi lea juolludan 300 000 ruvnno RiddoDuottarMusea magasiinnaid bajásdoallamii.

– Nu mo dáiddačoakkáldat dál lea vurkejuvvo Sámiid Vuorká-Dávviriin, de sáhttet ollu dávvirat billahuvvat. Dán lea hui deaŧalaš divuhit, iige dán sáhte šat maŋidit, oaivvilda ráđđelahttu Henrik Olsen.

 

2013:s juo dieđihuvvon vahágat

RiddoDuottarMuseat bivddii 2013:s juo konserváhtora árvvoštallat sihke govat ja diliid magasiinnain. Sii leat dieđihan vahágiid máŋgga buktosiin čoakkáldagas.

– Čoakkáldat mas lea stuora árvu, ánssáša buoret dili ja mii dohkkehit RiddoDuottarMuseats bajásdoallandárbbu. Mii fertet čađahit dán dál vai maiddái maŋit áiggis beassat muosáhit čoakkáldaga, cealká ráđđelahttu Henrik Olsen.

 

 

-Almmuhus-