-Almmuhus-
-Almmuhus-
OĐĐASAT Ožžo ruvkefitnodaga geassádit

Ožžo ruvkefitnodaga geassádit

-

-

Esko Aikio jáhkká ahte stuorámus sivva diamántaruvkefitnodaga geassádeapmái lei ohcejohkalaččaid reivestallan njuolga fitnodahkii.

Ohcejohkalaččat illudit go Karelian Diamonds Resources -diamántaruvkefitnodat álgovahkus muitalii Irish Independent -aviissas, ahte ruvkefitnodat geassáda Ohcejogas. Esko Aikio lea okta dain gii aktiivvalaččat vuostálastii ruvkke.

– Na dieđusge mun ledjen oalle ilus go Deanu luossa ain beassá buhtes čázis vuojádit, go min bohccot besset doppe guohtut ja johttit ráfis almma stuorra hehttehusaid dihte. Ja dieđusge go min eallinvejolašvuođat goit ain muhtin áigái bistet dassážii go fas ođđa sisabahkken boahtá.

Esko Aikio dadjá iežas olles áiggi jáhkkit ahte Karelian Diamnods Resources -ruvkefitnodat geassáda Ohcejogas.

– Mus gal alddán lei dat jáhkku ahte fertejit geassádit, muitala Esko Aikio Yle Sápmái.

 

Háliidit seailluhit buori beaggima

Esko Aikio oaidná ruvkefitnodagat eai duostta álggahit ruvkkiid dakkár guovlluide, gos dat hehtte sin imago eamiálbmogiid ja luonddu suodjaleami dáfus.

– Ruvkefitnodagat orrot leamen viehka hearkkit dan iežaset beaggimis, makkár govva sis lea nuppi dáfus dan luonddu suodjaleami dáfus ja nuppi dáfus maiddái eamiálbmotgažaldagain.

- Advertisement -
-Almmuhus-