Boazodoallofága, kantur- ja hálddahusfága ja telekommunikašuvdnamontevrafága fágabargit ožžo odne iežaset fágareivviid.
Guovdageainnu suohkanis lea vierrun bovdet sin geat leat váldán fágareivviid ja geiget sidjiide oahppoduođaštusa suohkanstivračoahkkima oktavuođas.
Ikte ožžo čiežas fágareivve mii duođašta ahte sii leat čađahan oahpu, váldán ja ceavzán loahpalaš fágageahččaleami iežaset fágasuorggis.
Dán vuoru geigejuvvui fágareive daidda:
Boazodoallofágas:
Isak Nils Aslaksen Skum
Mathis Ivan Sara
Mats Ailo Nilsen Eira
Ante Ovlla Nilut
John Niillas Johansen Eira
Kántur- ja hálddahusfágas:
Johan Mikkel Tornensis
Telekommunikašuvdnamontevrafágas:
Jan Ove William Hermansen
Guovdageainnu várresátnejođiheaddji, Anders S. Buljo (Johttisápmelaččaid listu) geigii nuoraide fágareivviid.
– Dát lea hui somás bargu, geiget didjiide duođaštusa mii duođašta ahte dis lea gelbbolašvuohta fágas, dajai Buljo.
Ođđa fágabargit bovdejuvvojit vel suohkanstivrra fárrui gáfestallat maŋŋel fágareivegeigejumi.
